Şəmsiyyə Mustafayeva beynəlxalq inkişaf və təhsil sahəsində 20 ildən artıq peşəkar idarəetmə təcrübəsinə malikdir. O, müxtəlif təşkilatlarda strateji planlaşdırma, istedadların cəlb edilməsi və inkişafı, proqram tərtibatı sahələrinə rəhbərlik etmişdir. Xüsusilə gender təhlili, gender perspektivinin əsas fəaliyyətlərə inteqrasiyası və müxtəlif sektorlar və siyasət sahələrində qadınların səlahiyyətlərinin artırılması istiqamətində geniş təcrübəyə malikdir.

Hazırda Dünya Bankının və BMT-nin Əhali Fondunun (UNFPA) Gender Bərabərliyi üzrə Baş Məsləhətçisi və ADA Universitetinin İxtisasartırma Proqramının müəllimi kimi fəaliyyət göstərir. Son beş il ərzində BMT-nin Azərbaycandakı Rezident Əlaqələndiricisinin Ofisində Tərəfdaşlıq və İnkişaf Maliyyəsi üzrə məsul şəxs kimi çalışaraq, BMT-nin ölkə komandasının tərəfdaşlıqlarının strateji planlaşdırılması və əlaqələndirilməsinə əhəmiyyətli töhfə vermişdir.

2004-2008-ci illərdə ABŞ Sülh Korpusunun ilk yerli Təlim Direktoru kimi Azərbaycanda xidmət edən amerikalı könüllülər üçün geniş miqyaslı təlim proqramlarının hazırlanması və həyata keçirilməsinə rəhbərlik etmişdir.

Tural Məmmədov Layihə İdarəetmə İnstitutunun (PMI) beynəlxalq dərəcəli Layihə idarəetmə Peşəkarı (PMP) kvalifikasiyasına və CIPD 5-ci səviyyə CHRM sertifikasiyasına sahibdir. SOCAR, SOCAR-AQŞ, Umid Babek Operating Company kimi şirkətlərdə İnsan Resurslarının Transformasiyası çərçivəsində Təlim və inkişafın Avtomatlaşdırılması, Səriştəlilik profillərinin hazırlanması, Səriştə idarəetmə sisteminin akkreditasiyası, Təlim və inkişaf sistemi və infrastrukturunun qurulması, “Performansın idarə edilməsi” sisteminin yenidən qurulması kimi layihələri idarə etmişdir. Ümumilikdə 12 ildən çox İnsan Resurslarının İdarə edilməsi sahəsində, o cümlədən 9 ildən çox HR-ın Təlim və inkişaf funksiyası üzrə təcrübəsi olmaqla, hazırda SOCAR-ın Baş ofisinin İnsan Kapitalının İnkişafı və Funksional Mükəmməllik Departamentinin rəis müavini vəzifəsində çalışır.

Dəyanət Ağayev hazırda Hucap Consulting şirkətinin təsisçisi və Paprec Enerji Azərbaycan şirkətinin İnsan Resursları Departmentini rəhbəridir. 15 ildən artıqdır ki İnsan Resursları sahəsində müxtəlif yerli və xarici bizneslərdə fəaliyyət göstərir. 

Seymur Əhmədov 10 ildən çoxdur İnsan Resursları, Biznes Strategiya, İdarəetmə sahəsində dərin təcrübəyə sahibdir. Azərbaycan Dövlət İqtisad Universitetində MBA ixtisası üzrə magistr təhsili almışdır. İş fəaliyyəti dönəmində bank, FMCG, tikinti, xidmət, telekommunikasiya, istehsalat və s. kimi bir çox biznes sferasında fəaliyyət göstərən, ölkəmizin ən böyük şirkətlərində çalışmışdır. Veysəloğlu Şirkətlər Qrupunda İnsan Resursları üzrə kiçik mütəxəssis vəzifəsində işə başlamış, Qrupa daxil şirkətlərdə İnsan Resursları sahəsinin bütün modullarında çalışmış və Departament müdiri vəzifəsinə qədər yüksəlmişdir. 

Hazırda ölkəmizin ən böyük telekommunikasiya lideri olan Azerconnect Group - da İR İdarəetmə və Layihələr Direktoru vəzifəsində çalışır. Biznes Strategiya və bir neçə beynəlxalq layihəyə rəhbərlik edir. Fəaliyyəti dönəmində Deloitte, EY, KPMG, PWC, McKinsey, Korn Ferry, Willy Towers Watson, EBRD, ADB kimi beynəlxalq şirkətlərlə və banklarla çox sayda yerli və beynəlxalq layihələrə rəhbərlik etmişdir.

Kamil Hüseynov, PhD, MCIPD, KHHR Konsaltinq şirkətinin təsisçisidir. O, 20 ildən artıq beynəlxalq və yerli şirkətlərdə İnsan Resurslarının İdarə Edilməsi üzrə rəhbər vəzifələrdə çalışıb. Hazırda onun əsas fəaliyyət istiqamətləri yerli və beynəlxalq şirkətlərdə əməkdaşların və komandaların liderlik bacarıqlarının və davranışların ölçülməsi və inkişafıdır.

Sevinc Qarakişiyeva insan resursları sahəsində 18+ illik geniş təcrübəyə malik mütəxəssisdir. O, hal-hazırda UBOC Əməliyyat Şirkətinin Azərbaycan Respublikasındakı filialında İnsan Resurslarının idarə edilməsi şöbəsinin rəisi vəzifəsində çalışır və insan resurslarının idarə edilməsinin müasir strategiyasının formalaşdırılması, təşkilati transformasiya və istedadların idarə edilməsi sahələrində effektiv həllərin tətbiqi ilə məşğuldur.

O, HR strategiyalarının qurulması, dərəcələndirmə və performans menecmenti, insan resurslarının idarə edilməsinin beynəlxalq ISO standartları üzrə uyğunlaşdırılması və əmək münasibətləri sahələrində böyük bilik və təcrübəyə malikdir.

Baker Tilly Azərbaycan şirkətində Məsləhət Xidmətləri Direktoru vəzifəsində çalışan Fərhad Pərvizi, korporativ idarəetmə, M&A, IPO hazırlığı və biznes transformasiyası sahələrində 20 ildən artıq təcrübəyə malikdir.

Bundan əlavə, o, davranış iqtisadiyyatı sahəsində dərin biliklərə sahibdir və bu prinsipləri daha yaxşı qərarvermə, əməkdaşların motivasiyası və təşkilati səmərəliliyin artırılması üçün tətbiq edir. Hökumətlərə, beynəlxalq şirkətlərə və investisiya fondlarına məsləhət verən bir mütəxəssis kimi, iqtisadi nəzəriyyəni real biznes nəticələrinə çevirməyi bacarır.

İnsan Resursları və İdarəetmə, strateji biznes layihələri, eləcə də biznes proseslərinin optimallaşdırılması və avtomatlaşdırılması sahələrində 12 ildən çox təcrübəyə malikdir. Karyerası ərzində Təlim və İnkişaf, İşəqəbul və Seçim, Vəzifə Dərəcələndirmə və Əmək Haqqı sistemlərinin qurulması və rəqəmsallaşdırılması, İstedadların İdarəedilməsi, Performans İdarəedilməsi, eləcə də İnsan Resursları Biznes Tərəfdaşlıq modelinin bir neçə böyük təşkilatda tətbiqini uğurla həyata keçirmişdir. Beynəlxalq audit şirkətləri ilə əməkdaşlıq çərçivəsində Performans İdarəedilməsi, Davamçıların Hazırlanması və digər strateji İnsan Resursları layihələrində iştirak etmişdir.
Müxtəlif beynəlxalq İR konfrans və təlimlərinin speaker-dir. 5 ildən artıqdır ki, peşəkar təlimçi və İnsan Resursları üzrə konsultant olaraq fəaliyyət göstərir.

Azərbaycan Hava Yolları”nda (AZAL)  İnsan Resursları üzrə Strateji Biznes Partnyor vəzifəsində çalışır. 15 ildən artıq İnsan Resursları sahəsində təcrübəyə malikdir və bu müddət ərzində ölkədə fəaliyyət göstərən müxtəlif özəl və dövlət qurumlarında çalışmışdır.

Elgün Bəxtiyaroğlu — informasiya təhlükəsizliyi və kibertəhlükəsizlik sahəsində 22 ildən artıq peşəkar təcrübəyə malikdir. O, Kanadada yerləşən TEXIO Academy -nın təsisçisidir.

Elgün Bəxtiyaroğlu karyerası boyunca, informasiya təhlükəsizliyi, risklərin idarə olunması, məlumat mühafizəsi və təhlükəsizlik strategiyalarının hazırlanmasında mühüm layihələrə rəhbərlik edib. Həmçinin, kibermaarifləndirmə proqramları və iş proseslərinin avtomatlaşdırılması sahəsində böyük təcrübəyə malikdir. Bu sahələrdə təşkilatların təhlükəsizliyini gücləndirən həllər hazırlayıb və tətbiq edib.